Molave, Zamboanga del Sur – Patay nang napalgan sa iyang pamilya ang 46 anyos nga negosyante human kining gitoohan nga naghikog pinaagi sa pagpusil sa iyang kaugalingon alas 7:30 kagahapon sa buntag didtong dapita sa Mendoza residence sa Yangco St., Maloloy-on, Molave, Zamboanga del Sur.
Giila ang biktima nga si Reynaldo Lumbatan Mendoza, 46 anyos diin ang maong negosyante didto nakit-an nga patay sa parking sa ilang pinuy-anan.
Sa pagsuta sa Molave PNP, si Reynaldo nakahi-agum ug samad pinusilan sa iyang tampihak ug nakuha sa iyang posisyon ang Caliber .40 nga dunay napulo ka buhing bala.
Sa pagpakisusi sa mga imbestigador sa kapulisan sa Molave ngadto sa pamilyang Mendoza , depresyon matud pa ang posible nga hinungdan sa paghikog sa biktima gumikan sa nasinati niining balati-an.
