Negosyante, patay sa aksidente

Nabas, Aklan – Patay rong sangka negosyante matapos nga maaksidente sa ginasakyang CRV SUV kahapon it agahon sa Brgy. Unidos, Nabas, Aklan.
Nakilaea rong biktima kay Elsa Ebbinghaus, 71-anyos ag tag-ana it Ecde’le Hotel sa Caticlan Airport.
Suno kay PO1 Andrade it Nabas PNP nga paadto kunta it Kalibo ro biktima kaibahan ro anang personal assistant nga si Merlyn Salibio, 42-anyos ag residente it Buruangga para kunta nga mag atender it court hearing.
Ugaling pag abot sa lugar it aksidente hay gulpi eang nga inatake ko anang masakit si Ebbinghouse ag sumunggab ro anang saeakyan sa kilid it karsada.
Eagi nga gindaea sa Caticlan Baptist Hospital rong mga biktima pero ginbawian it anang hueam nga kabuhi si Ebbinghouse samtang ginabueong, samtang si Salibio hay nagapabilin nga ginabueong sa sangka hospital iya sa Kalibo.
Nasayuran nga si Ebbinghouse hay may sakit sa puso ag raya rong ginapaitahan nga imaw inatake samtang nagamaneho ag gintunaan ko anang kamatayon.