NEGROS OCCIDENTAL – Mangin host sang Palarong Pambansa 2021 ang probinsya sang Negros Occidental.
Ini ang opisyal nga gin-announce pinaagi sa isa ka notice nga ginpadala sang Department of Education nga nagapabalo nga ang Negros Occidental ang mangin host sang Palarong Pambansa sa 2021.
Nahibalu-an nga nga kadungan sang Negros nga nag-bid para sa hosting amo ang probinsya sang Capiz, mas ginpaboran sang Palaro Board ang Negros Occidental bangud man sa mga nakahanda nga pasilidad.
Suno kay Governor Alfredo Marañon, Jr. nga tuman ka daku ang mabulig sang hosting sang Palaro Pambansa particular sa patag sang negosyo sa Bacolod kag malapit nga LGU.
Dugang pa sang governador nga iga-rehabilitate naman ang pila ka venues sa Panaad Park and Stadium lakip na diri ang rubberized track.
Ang Negros Occidental naghost sa Palaro sang 1971, 1974, 1979, 1998 kag 2000.
