Roxas City, Capiz- Magapangatubang sang kaso nga paglapas sang R.A 9165 ukon Comprehensive Dangerous Drugs Act of 2002 ang 19 anyos nga lalaki matapos nadakpan sa ginkasa ng drug buy bust operation sang katapo sang Provincial Drug Enforcement Unit (PDEU) sa Barangay Lawaan, Roxas City.
Ginkilala ang suspek nga si Sandrex Warren Salazar y Velasco sang Lagdungan, Tapaz Capiz apang temporaryo nga naga puyo sa Brgy. Tiza, Roxas City.
Nakuha sa kamot sang suspek ang 16 ka sachet sang suspected shabu nga ginabanta nagabalor sang kapin P40,000. Narekober man ang isa ka cellphone nga ginapanag-iyahan sang suspek.
Ginpahayag ni Police Lieutenant Colonel Mark Anthony Garcia, team leader sang PDEU isa ka newly identified drug personality ang suspek.
Facebook Comments
