South Cotabato – wala na makalingkawas pa sa kamot sa otoridad ang no. 1 most wanted sa lungsod sa Tupi, South Cotabato human nacorner sa kapulisan nga nagpahigayon ug operasyon batok sa nahisgutan sa Purok 5, Barangay Simbo hapon niadtong nakalabayng adlaw.
Giila ang suspek nga si Leo Tolentino, legal age, minyo, ug residenti sa samang lugar.
Nasikop ang nahisgutan sa panimalay niini sa operatiba sa Tupi municipal Police Station human nasuta nga anaa lang sa lugar ang suspek.
Pinaagi sa gahum sa Warrant of Arrest sa kasong Frustrated murder nga una nang gipagula ni Hon. Judge Allan Edwin Boncavil sa RTC, 11th Judicial Region Branch 62, Polomolok South Cotabato, wala na mipalag ang suspek human kining giposasan sa kapulisan.
Nasayran nga dugay nang gipangita sa otoridad ang nasangpit nga suspek ug dihang nasayran ang presensya niini sa ilang panimalay, gilayon nga gilusad ang operasyon.
Sa kasamtangan ginahulat nalangsa Tupi PNP ang mando sa Korte aron nga mabalhin na ang nahisgutan sa South Cotabato Provincial Jail.
