Davao City – Walay estudyante mapasar kung dili kini kaantigong mubasa subay sa striktong implementasyon sa ‘No read, no pass’ policy sa Department of Education XI.
Gibutyag ni DepEd Spokesperson Jenielito Atillo atol sa interbyu sa RMN Davao, giimplementar kini sa tanang pampubliko ug pribadong eskwelahan.
Subay sa department order number 45 series of 2002 or the “No Read, No Pass” policy aron mapromotar ang grade 2 student sa geade 3 kinahanglan kining kabalo mubasa og Filipino samtang ang grades 3 pataas makaantigo’g basa sa English ug Filipino.
Segun ni Atillo aduna gayuy mga slow readers apan walay mga non-readers nga mga estudyante sa Davao Region.
Dakong responsibilidad ang gihatag karon sa mga magtutudlo diha sa mga formative grades aron sa pagtutok sa ilahang mga estudyante sa paghatag og mga interventions labaw na sa mga gikonsiderang mga slow readers o learners.
Giawhag sa DepEd ang mga ginikanan nga tutukan ang ilahang mga anak sa ilahang mga pagtuon.
RadyoMaN Aimee Guinita
