Maayo ang resulta kung hisgutan ang pagpatuman sa no segregation, no collection sa syudad.
Kini ang gibutyag ni Engr Armen Cuenca, ang Head sa City Local Environment and Natural Resources kon CLENRO.
Matud ni Engr Cuenca nga hapit na moabot sa 100 poryento ang mituman sa maong balaod , tungod sa hugot nga kampanya.
Dugang pa ni Engr Cuenca nga iya kining gikalipay, ug nangihinaut nga mabuhat usab sa mga rural areas ang nabuhat sa mga numbered barangay ning syudad.
Samtang 19 na ka barangay sa rural areas, ang nagsugod na sa pag-segregate sa ilang mga basura.
Apan matud ni Engr. Armen Cuenca sa CLENRO, nga hugka pa karon ang monitoring niini, tungod kay ilang giuna sa hugot nga pagpatuman ang numbered barangays ning syudad.
Hinoon pipila sa mga barangay ang nagsugod na sa pagpatuman sa segregation sa basura, sama sa Barangay Iponan, Tablon, Cugman, Gusa, Macabalan, Kauswagan ug uban pa.
