General Santos City—Sikop sa Kiamba Municipal Police Station ug sa provincial Drug Enforcement Unit sa Sarangani Provincial Police Office ang suspetsadong si Jun Espadilla, legal age, residenti sa Barangay Nalus, Kiamba, Sarangani province atol sa gihimong Buybust operation kagahapon sa buntag nga gipahigayon sa maong barangay.
Sumala ni Police Sr. Inspector Jake Mutalib sa PDEU-Sarangani nga Nasikop si Espadilla human kining napalitan ug usa ka sachet sa gituohang shabu ug nakuhaan pa ug duha ka putos nga pinaugang dahon sa marijuana.
Si Espadilla ang gikaingong notoryos nga lambigit sa iligal nga droga sa lungsod kansa dugay nang ginamonitor sa kapulisan. Anaa usab kini sa drug Watch list sa Kiamba PNP ug sa Sarangani Police Provincial Office.
Dugang pa ni PSI Mutalic nga Gawas sa kalambigitan ni Espadilla sa iligal nga droga aduna usab kini standing warrant of arrest sa kasong Qualified Theft nga giatubang.
Lambigit usab kini kaniadto sa grupo sa Ansar Al Khinafa Philippines nga gimugna sa namatay nga si Kumander Tokboy Maguid.
Gikumperma usab ni PSI Mutalib nga dili lang sa kiamba ang operasyon sa droga sa suspek sanglit apil na sa kasigbit nga lungsod sa Makima Area.
