Kalibo, Aklan – Nagpaguwa it sentimyento ro mga myembro it National Union of Journalists of the Philippines (NUJP) ag mga local media sa Aklan nga bukon sanda it pabor sa ginpaguwa nga guidelines it Department of Tourism (DOT) angot sa pag cover it mga news sa isla it Boracay kun mag umpisa eon ro temporary nga pagpasarado.
Base sa guidelines nga maka tabok rong mga media sa isla it Boracay kon sanda hay makapa accredit sa Department of Tourism. May oras man nga dapat sundon kung sa siin raya hay maga umpisa sa alas 8:00 it agahon hasta it alas 5:00 rong hapon ag pagtapos karon dapat nga tumabok ikaw anay sa mainland ag idto mag overnight kon maga balik kappa pagka aga sa pareho man gihapon nga oras.
Dugang pa nga may designated area man kon sa siin eang dapat mag cover it balita ag kon may iba ka nga adtunan hay dapat nga may pahinugot man sanda, ag kinahangean nga pa gid nga mag escort ka.
Bangud kara magapaguwa it statement ro grupo angot sa nasambit nga guidelines para mapaabot sa natungdan nga ahensya ag mataw-an it igtaeopangod.
