Gi kondena sa National Union Journalist of the Philippines Cagayan de Oro, ang pag red tag kanila isip sakop sa New People’s Army.
Matud ni Ms. Pamela Orias, ang chairperson sa NUJP Cagayan de Oro, nga dili na bag-o alang sa grupo ang pag red tag sa NUJP, bisan og wala kini kalabutan sa grupong NPA.
Alang kaniya, nga walay gihimo nga dautan ang NUJP, imbes ilang gibarugan ang pag sibya sa kamatuoran ingon man ang pagdapig sa mga gilupigan.
Samtang, mapasalamaton kini sa gihimong lakang sa mga prensa kaganinang butang atol sa pagbukas sa Press Freedom Week, kinsa gisunog ang karatola nga adunay gibutang nga “Kauban sa Teroristang NPA – Karapatan, NUJP, UPLM, NUPL, RMP, LFS, CEG, COURAGE.
Facebook Comments
