KABANKALAN CITY, NEGROS OCCIDENTAL – Pormal na nga gin-install bilang bag-o nga Obispo sang Diocese of Kabankalan si Bishop Louie Galbines las 10 kaina sang aga.
Ang installation ginpatigayon sa St. Francis Xavier Cathedral sa ciudad sang Kabankalan sa pagpanguna ni Bishop Patricio Buzon sang Diocese of Bacolod.
Ini ang gintambungan man sang ginpadala nga Secretary to the Papal Nuncio, Monsignor Gabriel Viola upod ang sulat halin sa Santo Papa.
Nahibaluan nga sang nagbiya si Bishop Buzon bilang Obispo sang Kabankalan duha ka tuig na ang nakaligad, wala sang Obispo ang amo nga Diocese kundi Diocesan Administator gid lamang nga si Monsignor Rolex Nueva.
Angut sini, nagtambong sa amo nga installation ni Galbines ang mga kaparian sang Diocese sang Kabankalan./ Grace Supe photo
