TACLOBAN CITY – Igpaparayaw buwas nga adlaw an best local wine han region 8, an tinatawag nga “oktubafest” in mahinanabo ha Tacloban City.
An festival han tuba in makikit-an ha Astrodome han Tacloban.
Sumala kan An Waray Partylist Rep. Victoria Noel, ini na an pinakabongga nga festival ha pagkatitirok han mga paraghimo han tuba ha Region 8.
Mayada tulo nga categories an yana nga kompetisyon – an local government unit category best “bahal” (old) ngan “bahalina” (aged) ngan best “kutil” (special wine mixture) ngan best tuba nga gingagamit ha mga hotels ngan restaurants.
Para naman ha open category, mayada on-the-spot “kawit” painting, on the spot photo contest ngan on the spot vlogging contest.
An “kawit” in hinimo ha bamboo pole ngan gingagamit han mga paragsanggot han tuba, ini in nagseserbe nga container han tuba.
Ha ika-10 katuig, nagpatapod an An-Waray Partylist nga susuportahan an industriya han lubi.
Ini nga mahinanabo nga event in pagpromotar han nahikagaraan na han mga waray-waray, an pag-inom han tuba.
