One time big-time con buen resulta

19
EL JEFE DEL POLICIA REGIONAL SI BRIGIDIER GENERAL NEIL ALINSANGAN YA ANUNCIA YA TENE BUEN RESULTA EL QUE SE LLAMA ONE-TIME BIG-TIME OPERATION AQUI NA REGION DESPUES MONTON MAGA WANTED PERSONA YA SALE ARESTAO.

ASEGUN CON ALINSANGAN YA ALCANSA NA 142 WANTED PERSONA YA PUEDE RECUJI EL MAGA PULIS DONDE 75 AMO MAGA MOST WANTED PERSONS NA REGION MIENTRAS EL 67 OTRO ARESTAO TIENE MAGA ORDINARIO CASO TA ENFRENTA NA CORTE.

EL POLICE OFFICIAL YA HABLA TOTAL TAMBIEN DE 3,709 MAGA WARRANT EL YA PUEDE SIRVI CON EL MAGA CONCIERNE.

EL ONE-TIME BIG-TIME YA CONDUCI ENTERO PAIZ QUE YA COMENSA ALAS 12:01 DEL MADROGADA DEL SETIEMBRE 6 Y YA TERMINA ALAS 12:01 DEL SEGUIENTE DIA.

SI ALINSANGAN YA HABLA EL MENCIONAO OPERACION TIENE EL OBJETO PARA HACE PA MAS FUERTE EL CAMPAñA CONTRA WANTED PERSONA COMO UN MANDATO DESDE NA CORTE.

Facebook Comments