Kalibo, Aklan –Naging madinaeag-on kahapon rong ginpatigayon nga Opening Salvo it Kalibo Ati-atihan Festival.
Nag umpisa rong sadsad alas 2:30 it hapon halin sa daywa ka mga starting point, ro sambilog nga grupo magahalin sa may Magsaysay Park ag ro sambilog hay magahalin sa may XIX Martyr Street ag dueongan nga nagpaadto sa Kalibo Pastrana Park para sa sangka programa.
Ro nasambit nga sadsad hay pagapartisiparan it may kapin 63 ka mga grupo nga kinakaeakipan it modern, Balik Ati ag Tribal groups.
Naging bisita sa opening salvo ro sambilog sa mga sexy actress nga si Katrina Halili kung sa siin nag entertain sa mga ginatos nga nagsaksi it programa pinaagi sa pagkanta.
Gin presentar man ro 16 ka mga kandidata it Mutya ng Kalibo 2019 nga halin sa 17 ka banwa it Aklan.
Opisyal nga nagbukas rong Kalibo Ati-atihan pinaagi sa pag sindi it torch sa pagpanguna ni Mayor William Lachica ag sa pag singgit it “Viva kay Sr. Sto. Niño”.
Matapos ro nasambit nga programa hay ginpahinugutan rayon ro mga grupo nga magsadsad sa palibot it Pastrana Park pero hasta eamang it alas 10:00 rong gabii.
Samtang, sa Magsaysay Park hay may kasadyahan man dayon ukon “HYSTERIA” kung siin may mga DJs ag banda nga nag entertain sa mga bisita.
Ro Kalibo Sto, Niño Ati-atihan Festiva hay ginakabig nga “The Mother of All Philippine Festival”.
