Linibo ka mga tawo do nakipagsinadya sa ginpatigayon nga Opening Salvo it Kalibo Sto. Niño Ati-Atihan Festival 2018 ko October 19 – 20, 2017.
Suno kay Mr. Boy Ryan Zabal, Public Information Officer it Kalibo Sto. Nino Ati-Atihan Foundation Inc. (KASAFI), nangin masadya do pagpatigayon it nasambitan nga aktibidad bangod nga haeos nag eabot sa 50 ka mga grupo ag tribo do nag partisipar.
Rayang Opening Salvo hay magaserbe nga dry run sa parte it KASAFI para makita pa gid kun ano do mga kinahangeanon ag dapat nga i-improbar para sa paaeabuton nga adlaw mismo it Ati-Atihan Festival sa Enero.
Maabo pa nga mga problema suno kana do anda pa nga paga-istoyahan kaibahan do LGU- Kalibo ag Kalibo PNP kamana ko pagbutang it dugang nga iwag sa mga daeanon nga paga-agyan it mga naga sadsad.
Hugot pa gid nga implementasyon sa mga ginabawae kapareho ko paghupot it mga hinaniban ag mandatory inspection sa mga gasuksok it backpack ag pag bit-bit it mga mapueos-on nga mga ilimnon.
Ana man kara nga gin pasaeamatan do tanan nga nag suporta para maging masadya ag matawhay do nasambitan nga aktibidad.
