Kalibo, Aklan — Naging negatibo rong resulta it ginpatigayon nga random drug testing sa 47 ka mga inmates ukon 10 posyento it 459 nga jail population sa Bureau of Jail Management and Penology (BJMP) nga nahamtang sa Brgy. Nalook, Kalibo, Aklan.
Ro nasambit nga Operation Greyhound ag Random Drug Testing hay ginpatigayon ko gintingub nga pwersa it Bureau of Jail Management Penology (BJMP 6), Philippine Drug Enforcement Agency (PDEA 6) ag Kalibo PNP.
Samtang naging negatibo man sa mga illegal nga kontrabando rong bilog nga area it BJMP.
Mag eowas sa mga inmates ginpaidaeom man sa surprised random drug testing ro 9 ka mga jail personnel ag raya hay naging negatibo man tanan.
Raya nga pagpatigayon it Operation Greyhound ag Random Drug Testing sa mga BJMP para masiguro nga uwa it mga illegal nga kontrabando nga nakakasueod.
