Opisyales sang Bacolod maga meeting sa PPA kag iban pa nga ahensiya para sa pagbalik biyahe na sang mga fastcraft sa Bacolod-Iloilo vice-versa

11

Maga-meeting ang mga opisyales sang Bacolod sa Philippine Ports Authority (PPA) kag iban pa nga natungdan nga ahensiya sang gobyerno agud mapreparahan naman ang natalana nga pagbalik byahe sang fast craft halin sa syudad sang Bacolod pa-Iloilo, vice versa.

Sa interview sang DYHB kay Retired Major General Melquiades Feliciano, deputy chief implementor of the Inter-Agency Task Force (IATF) in the Visayas, aminado ini nga isa ka concern karun ang pagsaka na naman sang COVID-19 cases sa ciudad bangud sang pagbalik na sang byahe, gani magasapol sila sa mga ahensiya sang gobyerno agud maplastar ang nagakaigo nga mga health protocols. Suno kay Feliciano, wala naman sang mahimo kundi magkabuhi nga yara ang coronavirus kag kinahanglanon na gid ang pagbukas sang ekonomiya.

Una na ginpahayag ni Frank Carbon, chief executive officer sang Metro Bacolod Chamber of Commerce and Industry chief executive officer kag isa man sa mga fast craft operator, nga posible sa madason pa nga semana magablik ang byahe apisar sa ginpaggwa nga Executive Order ni Iloilo City Mayor Jerry Treñas nga naga-lift sang travel ban sa tunga sang duha ka mga ciudad kag allowed na ang pagbyahe sang fast craft sumugod Oktubre 14.

[image: image.png]

Facebook Comments