BACOLOD CITY – Ginpadakup sa pulis ang isa ka soltero matapos nga ini siya ang nag-inom sang beer kag nag order sang pagkaon apang wala gali sang inugbayad.
Nagpadulong sa Police Station 1 si Rolman Barcoma, 30 anyos ang edad, pumuluyo sang Purok Kingfisher, Brgy. 16 ciudad sang Bacolod agud nga ireklamo ang isa ka customer na nagsulod sa ila bar na amo ang MO2 Wave nga nahamtang sa dalan San Juan, Bacolod City.
Nakilala naman ang customer nga si Jay-R Gonzales, 33 anyos ang edad kag tumandok sang Tabucan, Barotac Nuevo, Iloilo.
Suno kay Rolman nga pasado las 10 kagab-i, nagsulod sa amo nga bar si Jay-R kag nag order sang napulo tanan ka beer kag lechon kawali.
Nagdangat sa 830 pesos ang bill ukon ang balayran sang amo nga customer apang sang ini siya ang ginsukot na, wala gali ini sang inugbayad rason nga ini ang ginpa-pulisan sang amo nga bar.
Detained karon sa custodial facility sang Police Station 1 si Jay-R./dyHB BACOLOD
