Kalibo, Aklan — Magapangatubang makaron it bag-ong kaso si Glenn Alvin Orille, 42-anyos it Carmona, Cavite matapos nga maghana nga pumaeagyo kahapon samtang una sa bisinidad it Provincial Capitol.
Kasong “Resistance and Serious Disobedience Upon an Agent of Person in Authority” ro kasong igapasaka kuntra kana.
Si Orille hay inmate it Aklan Rehabilitation Center (ARC) ag kahapon hay hindaea sa Public Attorney Office (PAO) para nga magkonsulta kung sa siin gin asistihan it mga Provincial Jail Guards.
Tag una eon imaw sa service it ARC para kunta nga mabalik eon sa Nalook imaw eomompat ag dumaeagan.
Insigida man imaw nga nadakpan matapos nga ginkabuligan nga eagson it mga jail guards ag iba pang empleyado it capitol.
Kung matandaan rayang si Orille hay nadakpan it mga kapulisan kaibahan ro anang asawa ko Enero 4 sa may ubos it Kalibo- Numancia bridge matapos nga matukiban nga sanda rong mga nagapinanakaw sa mga apartment iya sa banwa it Kalibo.
