Overloading gituohang rason sa Bucana fire, mga apektado nanawagan

99

Davao City – Gituohang nag-overload nga mga gipangsaksak nga mga electric materials ang hinungdan sa dakong sunog sa Purok 7 Brgy. 76-A Bucana ning syudad alas-5:30 sa gabie adlaw’ng Huwebes.

Matud ni Fire Insp. Richard Quiboquibo, Chief Special Rescue Unit sa BFP-XI, nga upat ka mga balay ang totally damage ug usa ang partially damage.

Human sa dul-an usa ka oras, gideklara nila kining fireout bandang alas-6:24 sa gabie diin gibana-banaang mokabat sa P900,000 ang damyos niini.

Samtang sa interbyu kang Louie Cabulanan, usa ka police auxialiary ug boarder sa maong lugar kinsa usa sa mga nasunogan, gibutyag niini nga walay eksaktong lokasyon kung asa muplastar ang ubang nasunogan sama niya gumikan puno-puno na ang covered court ug wala pa usab silay nadawat nga tabang gikan sa CSSDO.

Samtang nanawagan ang mga nabiktima ngadto sa lokal nga panggamahanan og tabang sama sa matulugan, sanina, pagkaon ug kung mamahimo mapuy-an sa mga nabiktima sa maong sunog.

RadyoMaN Aimee Guinita / RadyoMaN Don Pulayao

Facebook Comments