P2 nga saka sa residential rates sang CENECO, ipatuman sini nga Hulyo

28
May pagsaka sa average residential power rate sang Central Negros Electric Cooperative sini nga bulan sang Hulyo.

Gikan sa 12.1171 per kilowatt hour, nagsaka na ini sa karon sa 14.1881/kWh ukon may 2.0710 pesos per kilowatthour nga pagsaka.

Paathag sang CENECO, ang pagmahal sang kuryente ang bangud sang pagsaka sa generation, transmission kag system loss charges dala sang pagmahal sang power rate, pagsaka sang power cost kag iban pa nba pass through charges.

Nagapanugyan naman ang electric cooperative sa mga konsumidor nga magkinot sa paggamit sang kuryente agud makalikaw sa pagbayad sang mataas nga electricity bills.

Facebook Comments