Padilla: No ‘religious war,’ ‘Muslim-only IDs’ discriminatory

111

Giklaro karon ni Armed Forces of the Philippines (AFP) Spokesperson Brig. Gen. Restituto Padilla nga ‘discriminatory’ kun dili maki-angayon ngadto sa atong mga kaigsoonang Muslim ang gikatahong sugyot nga mag-demand ug proper identification cards kun IDs ngadto sa mga Muslim diha sa mga checkpoints.

Sa regular ‘Mindanao Hour’ forum sa palasyo sa Malacañang, gitino ni Padilla nga usa kini ka sayop nga sugyot o ideya sa pagbuntog sa Maute group sa Marawi City.
“Hindi po lahat ng mga kababayan nating Muslim involved (sa Marawi Crisis). Iilan lang po yan.Nagkataon na me isang grupo na nagtangkang magrebelde at gamit nilang cover ang kanilang paniniwala na mali,” segun kang Padilla.

Usab gisugilon sa tigpamaba sa AFP nga walay kamatuoran ang akusasyon nga mga combat operatives sa kasundaluhan nag-operate sa Marawi City nalambigit sa pagpangawat sa mga kabtangan ug mga propyedad sa mga sibilyan sa conflict kun war zone.


Gitataw sa spokesman nga kini mugna-mugna lamang niadtong mga dautang hunahuna ug niadtong buot mopintal ug negatibong imahe sa atong kasundaluhan kinsa nagsakripisyo sa ilang kinabuhi diha sa panggubatan.

“I would like to debunk that,” hugot nga pagtino sa tigpamaba sa AFP. Dugang niya, nga gani sila pa man ang ni-asistir karon alang sa pag-turnover ngadto sa mga tagtungod nga mga residente sa pipila ka mga butang nga na-recover sa mga awtoridad sa mga nailog nga lugar, sama sa mga high-value appliances, jewelries ug cash.

Sa posibilidad nga extension sa Mindanao Martial Law, gitataw ni Padilla nga gipailawom pa nila sa makuting pagtoon ug review ang tanang anggulo ug mga scenario dinhi sa habagatan una pa man nila hingpit nga masugyot ngadto kang Pres. Rodrigo Duterte ang lugway sa implementasyon niini.



Sa pikas bahin, gipasalamatan ni Padilla ang Moro Islamic Liberation Front (MILF) sa pagpagula niini niadtong niligad nga semana sa usa ka pamahayag pagsuporta kun pagpatuman sa usa ka ‘fatwah’ kun orden gikan sa mga kadagkuan sa Islam sa rehiyon kontra ngadto sa bandidong grupong Maute.

Usa kini ka lig-on ka pagpamatuod sa kooperasyon ug koordinasyon tali sa pwersa sa gobyerno sa MILF haron pakigbatukan ang terorismong nagpadayun karon sa Marawi City, segun kang Padilla.


Kahinumdoman nga ang Bangsamoro Dar Al-Ifta nipagula sa usaka Shariah ruling kun ‘fatwa’ niadtong June 25, 2017 nga angay alkontrahon sa katawhan ang radikal kun ‘violent extremism’ sa grupong padayong naghasi karon sa war zone.

Matud ni MILF Chairman AL Haj Murad Ebrahim, suportado nila ang naasoyng direktiba. “

“The Moro Islamic Liberation Front (MILF) fully endorses and supports such edict without fear and reservation…the purpose of the fatwa must be pursued vigorously to ensure that this violent extremism or radicalism shall not take root in any part of our communities, because it has no basis whatsoever in any of the teachings of Islam. They are creating intrigues and are sowing terror. They are also thriving on the sufferings and hardships of people,” segun ni Ebrahim.

Kasamang June Duterte

tags: Mindanao, Davao City, DXDC, DXDC 621, Mindanao Hour, Brig. Gen. Restituto Padilla, Marawi City, Martial Law, Armed Forces of the Philippines

Facebook Comments