Giduso ni Senator Bong Go ang pag institutionalize sa Malasakit Center kung asa usa niini ang nahimutang sa Northern Mindanao Medical Center kon NMMC.
Kini ang gipahibalo ni Atty. Aimee S. Torrefranca – Neri, Undersecretary ug National Project Director, Pantawid Pamilyang Pilipino Program sa DSWD atol sa pagbisita ni Sen. Bong Go niadtong July 27, kung asa naghatag kini og hinabang alang sa mga nasunogan sa Mulmac, Barangay Macabalan.
Tuyo matud pa ni Sen. Bong Go sa pag institutionalize sa Malasakit Center nga magpadayon ang iyang paghatag serbisyo ngadto sa katawhan bisan og dili na si Presidente Rodrigo Duterte ang mulingkod sa katungdanan.
Samtang, gibarugan niini nga dili ma apektuhan ang Malasakit Center sa bag-ong kamandoan ni Presidente Duterte nga pagpasira sa mga lotto outlets.
Matud ni Atty. Neri nga ang gipasira ni Presidente mao kadtong mga PCSO outlets nga gigamit sa pag negosyo ug na tagged sa korapsyon.
Nasayran nga lakip ang PCSO ang naghatag sa financial assistance ngadto sa mga nasunogan sa Mulmac, Barangay Macabalan ning syudad.
