PAG KREAR IT MALAY MUNICIPAL ENVIRONMENTAL POLICE GING APRUBAHAN

Kalibo, Aklan – Ging aprubahan sa committee level it Sangguniang Panlalawigan Committee on Disaster
Preparedness and Peace and Order ag Committee on Laws, Rules and Ordinances, ro Malay Ordinance
no. 381, series of 2018 “An Ordinance Creating the Position of Environmental Police of the Municipality
of Malay and Defining its Powers, Duties and Functions”.
Suno kay Malay SB member Nenette Graf, maging obligasyon it Environmental Police ro enforcement it
mga local ordinances may kaangtanan sa environment kamana man magtao it assistance sa monitoring
nga ginapatigayon it Municipal Environment and Natural Resources Officer.
Ro katuyuan kara suno kay Graf, hay para mas maalagaan ag mabantayan pa gid nanda ro palibot it
Boracay ag Mainland Malay, kon buksan raya it oman sa mga turista.