Davao City – Dunay dakung epekto sa bahin sa mga narco politicians ang himoong pagbulgar sa Philippine Drug Enforcement Agency (PDEA) sa mga politikong anaa sa drug list.
Sumala ni Davao City Drug-Abuse Council (CADAC) Program Director Ronaldo Rivera, makaapekto sa mga politiko tungod kay mawad-an na og salig ang katawhan kanila.
Giingon sa program director sa CADAC, usa ka dakong hagit sa katawhan ang maong lakang tungod kay anaa kanila ang pagpili kung angayan ba o dili masumpo ang gidiling droga sa ilang barangay.
Samtang gidayeg usab ni Rivera ang PDEA ug kapolisan sa ilang tumong tungod ug alang sa pagsumpo sa illegal drugs sa nasod.
Gitataw usab ni Rivera nga aron dili makonsiderang pure political harassment batok sa mga anaa sa narco list, kinahanglang patas ug ipatuman nga walay dapigan ang balaud.
RadyoMaN Bernard Pantallon
