Nagmalinawon ang kasaulogan sa adlaw sa mga Santos kagahapon sa tibook Northern Mindanao.
Mao kini ang reports sa mga security officials, matud pa ni Police Lt. Col. Mardy Hortillosa , Spokesman sa Police Regional IOffice sa Region 10.
Matud ni Hortillosa nga walay Undas related incident nga ilang nadawat sa tibuok region 10 sugod kagahapon hangtud karong buntag.
Apan dinhi sa Cagayan de Oro, usa ka driver sa passenger motorcycle “Angkas” ang patay samtang kritikal ang iyang pasahero.
Ang biktimang namatay naila sa ngalan nga si Julius Amarga.
Samtang ang iyang pasahero naila sa ngalan nga si Jason Padilla, 39 anyos nga residente sa Santa Cruz, Carmen ning syudad nga kritikal nga nadala sa J.R. Borja General Hospital.
Ang biktimang namatay ug nahospital human ang ilang angkas nga motorsiklo ang gidaro sa usa ka wala ma-lang Sport Utility Vehicle kon SUV sa Kagay-an Bridge mga 12:30 ang takna kaganinang tungang gabie.
Sa pagsulat ning balita, gipangita pa sa kapolisan ang mi-ikyas nga driver aron pasakaan sa kasong Reckless Imprudence resulting to Homicide and damage to property.
Samtang, milagro usab nga nakalingkawas sa kamatayon ang usa ka 26 anyos nga si Marron Affable human mahulog sa Marcos Bridge ning syudad ang gimanehong sakyanan kagahapon sa kadlawon.
