Alabel, Sarangani Province– Dako ang pagpasalamat sa labaw sa ALabel PNP human gideklara sa PDEA -12 nga nagpabiling drug cleared ang munisipyo sa Alabel, kini subay sa pamahayag ni PDEA Provincial Director Jerome Valentos atol sa gipahigayong 4rth quarter -Municipal Anti-Drug Abuse Council Meeting kon MADAC nga gipahigayon sa Alabel Municipal Civic Gymnasium.
Sumala pa ni Police Major Roy Yasay, Hepe sa Alabel PNP nga ang pagpaningkamot sa kapulisan, LGU ug sa PDEA sa kampanya batok illegal drugs ang dakong tabang nganong nahimong drug cleared ang munisipyo sa Alabel apan luyo pa man niini , dili pa gihapon magkumpiyansa ang kapulisan ug PDEA sanglit padayon sa gihapon ang ilang monitoring aron nga magpabiling drug cleared ang maong munisipyo.
Gipasalamatan usab sa opisyal si Alabel Mayor Vic Paul Salarda sa padayong pagsuporta sa mga programa sa kapulisan hilabina sa kampanya batok droga ug ang kooperasyon sa tanang mga lideres sa matag barangay sa lungsod nga nakahatag ug dakong tabang alang sa pagsulbad sa illegal drugs sa ilang DAPIT. (RV)
