Pagpahigayon sa barangay ug sk eleksyon, balaod ang sundon ug dili ang resolution – Comelec 10

96

Bukidnon – Giklaro sa Commission on Election kon Comelec Region 10 nga magdepende sa ma-aprubahang balaud kung kanus-a ipahigayon ang barangay ug SK election.


Kini human nga gidesisyunan sa Comelec en banc nga gisibog ang eleksyon tungod sa deklarasyon sa martial law sa Mindanao diin molungtad pa sa Disyembre ning tuiga.

Sa interview sa RMN Malaybalay ngadto kang Atty. Renato Magbutay, ang regional director sa Comelec 10 gibutyag niini nga adunay duha ka kondisyon ang nakalatid sa resolution sa komisyon nga mao ang una himoon ang eleksyon kung mahuman na ang martial law.

Ang ikaduha matud pa nga kung magpalabang ug balaod ang kongreso sa pagpalabay sa eleksyon, mapadaplin ang resolusyon sa comelec ug sundon ang balaud kung kanus-a ipahigayon ang eleksyon.

Dungan niini gi-aghat ni Atty. Magbutay ang publiko nga kung adunay mga pangutana mibisita lamang sa pinakaduol nga buhatan sa Comelec.

Gihangyo usab niini ang katawhan nga maminaw lang aron masayod kung unsay bag-o nga pronouncement sa Comelec.

Facebook Comments