Pagpanghimos ko mga Badjao sa Kalibo, ginpatigayon

Kalibo, Aklan — Ginpatigayon eon kabii rong paghimos ko mga Badjao nga nagawarang-warang ag nagapinagayo-ngayo iya sa banwa it Kalibo.
Gindakop ro nasambit nga mga Badjao pinaagi sa joint operation kung Kalibo PNP, Office of the Mayor pinaagi kay Mr. Efren Trinidad, Department of Social Welfare and Development (DSWD) ag Municipal Disaster Risk Reduction Management Council (MDRRMC) Kalibo santo man sa Executive Order No. 007 Series of 2010 nga gin issue kung Office of the Mayor.
Matapos nga madakpan ro may kapin 50 ka mga Badjao hay ginpaidaeom ra sanda sa profiling ag sa pagpangusisa pa gid it mga otoridad narecover kanda kara rong may kapin 150 thousand pesos nga andang koleksyon pinaagi sa pagpakalimos ag mag eowas karon may mga remittanve pa gid sanda nga mga mabahoe man nga kantidad paadto sa andang mga pamilya.
Insigida man nga ginpatigayon ro pag pauli sa andang mga lugar kaina it aga-aga paagi sa pagpasakay sa Ceres Bus.
Suno kay Mr. Trinidad ginpatigayon ro paghimos sa mga Badjao para nga uwa it mangin eyesore ag indi mag pinang kablit sa mga turista nga makisadya sa paeaabuton nga Kalibo Sto. Niño Ati-atihan Festival 2018.