Pagpatay sa usa ka lumad leader sa Cabanglasan, gikondena sa AFP

90

Gikastigo sa 403rd Infantry Brigade, Philippine Army ang grupong Kalumbay Regional Lumad Organization tungod sa akusasyon niniing miyembro sa Alamara Paramilitary Group ug mga CAFGU sa 8th Infantry Battalion ang mga suspek sa pagpatay kang Datu Mario Agsab sa Cabanglasan, Bukidnon dili pa lamang dugay.

Una nang nagpaggawas pahayag ang Kalumbay nga sila si Sammy Diwangan sa Alamara ug Emboy Gayao sa CAFGU ang mga suspek sa pagpatay sa biktima.


Sa interview sa RMN Malaybalay ngadto kang Cpt. Ryan Layug, Civil Military Operations Officer ug Spokesperson 403rd Infantry Brigade gibutyag niini nga gibutang sa grupong Kalumbay sa trial by publicity ang CAFGU member nga gi-akusahan.

Wala usay personal nga kasayuran si Layug sa gi-ingong paramilitary.

Sigun ni Cpt. Layug nga sa ilang pagpakisusi ug base sa pamahayag ni Staff Sergeant Edmundo Galladora, ang commander sa CAFGU sa maong nga area nga kompleto ang iyang mga tawo atol sa pagkahitabo sa pagpusil ngadto kang Datu Agsab ug gani nagkasakit pa ang CAFGU nga gipasanginlan sa Kalumbay.

Gibutyag ni Layug nga dili mahimo sa militar ang pagpatay kang Datu Agsab tungod kay numero uno kini nga supporter sa ilang mga programa diha sa Barangay Iba, Cabanglasan ug mao kini ang nagtabang ug facilitate sa pagtahan sa 118 ka mga NPA members ug supports sa sitio Mainaga sa nakalabay nga tuig.

Alayon niini, gikondena sa 403rd ang pagpatay ngadto kang Datu Agsab ug gi-hagit ang Kalumbay nga mapatud-an ang ilang pasangil.

Facebook Comments

From Advertisers