Davao City – Isolated case lang ang nahitabong pagpusil-patay sa lalaki gamit ang .45 caliber pistol. Ang biktima giila si Nel John Escorts Amalia, hingkod ang edad. Nahitabo alas 3:10 sa hapon niadtong Nobyembre 12, 2025, sa Daang Maharlika National Highway, Km. 18, Brgy. Ilang, Davao City.
Sa pakighinabi sa DXDC RMN Davao kang Police Captain Hazel Caballero Tuazon, ang tigpamaba sa DCPO, gisulti niya nga ang pagpusil sa biktima posibleng aduna kini’y hinungdan kung ngano nga gipusil sa wa mailhing suspek.
Segun ni Tuazon, kining biktima aduna kini record sa mga kaso sa kawat ug nadakpan usab niadtong tuig 2023 sa pagkalambigit sa ilegal nga droga.
Ang patay’ng lawas sa biktima gidala sa ilang pinuy-anan sa Purok 16, Buhisan, Brgy. Tibungco, ug gilubong na kagahapon subay sa tradisyon sa paglubong sa mga Muslim.
RadyoMan Don Pulayao
Facebook Comments
