Padayon pa ang imbestigasyon karon sa kapolisan bahin sa pagpusil patay sa watchman sa Local Government Unit kon LGU Villanueva, Misamis Oriental.
Matud ni Police Major Evary Bacunawa ang Hepe sa Jasaan Municipal Police Station, naila ang biktima nga si Leopoldo Pagaspas Sabunod, 54 anyos, taga Zone 7, Barangay Corrales, Jasaan, Misamis Oriental.
Dugang pa ni Major Bacunawa nga gibantayan sa biktima ang reservoir nga nagsuplay og tubig padulong sa Villanueva.
Nasayran nga gipusil ang biktima samtang kini natulog sulod sa iyang gipuy-an nga bunkhouse kilid sa reservoir.
Giingong gipaagi lang ang armas sa kilid nga bahin sa iyang gipuy-an.
Usa ka pinusilan sa baba nga bahin ang naangkon sa biktima nga si Leopoldo Sabunod.
Matud ni Police Major Bacunawa nga sa baba ang entrance sa bala, apan wala pa nakita kung asa nag-exit ang bala.
Dugang pa ni Major Bacunawa nga narekober sa area ang empty shell sa kalibre 45 nga armas.
Nasayran base sa pamahayag sa kapuyo ni Sabunod nga aduna matud pay nakalalis ang iyang kapuyo apan wala na-mention niini ang mga pangalan.
