General Santos City—- gipaklaro ni Rodelon Lacap, City Treasurer ning dakbayan nga basi sa ilahang listahan walay mga bidder nga nakaprehistro ilalom sa pangalan nilang Gensan City Mayor Ronnel Rivera ug Senator Manny Pacquiao.
Sumala kang Lacap nga isip mga empelyado sa gobyerno, hugot nga ginabawal kanila ang pagsalmot sa unsa mang public auction hilabi na sa lugar kung asa sila naka-pwesto.
Dugang pa ni Lacap nga lakip sa mga gina-bawalan mao ang mga paryente sa tanang empelyado sa gobyerno hangtud 4th degree nga mag-apil sa maong mga public auction.
Apan giangkon niini nga kung adunay mga posibleng dummy nga gigamit, kini ang dili niya makumpirma gumikan dili naman kini apil sa ilahang function tungod wala na sila nagapahigayon pa ug background check sa mga nagaparehistro nga mga bidder.
Kung asa gibutyag niini nga aduna lang mga recquirement ang mga nahisgutan nga kinahanglang i-submitar aron nga mahimong kwalipikado isip mga bidder sa public auction.
Pamahayag pa ni Lacap nga fake news lang ang maong impormasyon ug dili angayang tuuhan.
