Gikalipay sa dxCC-RMN Cagayan de Oro ang pagsalig nga nakuha niini gikan sa usa ka taxi driver.
Gihimong tulay sa taxi driver ang estasyon aron mauli ang nakit-ang bag nga nahulog sa Chavez Street ning syudad kagahapon sa buntag.
Ang taxi driver mao ang 49 anyos nga si Maximo Daison, minyo, taga Zone 3, Barangay Bulua ug gamaneho sa KNG Taxi.
Matud ni Daison nga gusto niyang mauli ang bag pinaagi sa pagsaksi sa dxCC-RMN maong nitawag kini sa estasyon.
Tungod niini, nauli na ang maong bag nga gipanag-iyahan sa empleyado sa Motormate nga si Ellyn L. Loregas.
Dako usab ang pasalamat ni Loregas sa driver ug dxCC-RMN Cagayan de Oro nga nauli ang iyang bag nga nahulog samtang ga drive sa iyang motorsiklo.
Dili masabot ang kaguol nga gibati niini sa dihang niabot sa ilang opisina nga wala nay bag diin nabutang ang iyang importanteng mga butang sama sa mga IDs, driver’s license, celfon ug uban pa.
