Pagsibog sa f2f classes suportado sa Davao COVID-19 TF

28
Davao City – Sundon sa Davao City Coronavirus Disease 2019 (COVID-19) Task Force ang desisyon sa Inter-Agency Task Force (IATF) ug Department of Health (DOH) ugaling isibog ang face-to-face (F2F) classes tungod sa pagtumaw sa bag-ong variants sa COVID-19.

Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), mas maayo usab kung isibog ang in-person learning ilabina nga gamay lamang ang ihap sa nagpabakuna nga mga estudyante partikular na kadtong mga menor de edad.

“If in case na ibutang sa guidelines sa atong IATF and DOH that we will be moving the F2F (classes) due to the fact nga gamay ra ang atong rollout among our pediatric population, we will follow the mandate po,” sulti ni Schlosser.

Gibutyag sa health official, anaa pa lamang sa 8% ang nabakunahan sa 5-11 years old sa Davao City gikan sa target population diin risgo ang nahisgutan ugaling mag F2F classes tungod kay ang maong age group dili pa responsable sa ilang kaugalingon ilabina sa pagsuot og face mask isip minimum public health standard batok COVID-19.

RadyoMaN Kirby Manzon

Facebook Comments