Sugdan na ang construction sa tig duha ka andana nga socialized housing nga tukuron sa Brgy. Balubal.
Kini human gipahigayon kaganinang buntag ang Ground breaking ceremony sa Balubal Socialized Housing Project Phase II, nga gitambongan ni Sen. Cynthia Villar, isip representante ni Manny Villar, nga maoy chairman sa Vista Land, nga maoy mutukod sa maong housing project.
Mahinumduman nga nag donar sa yuta ang local nga kagamhanan ubos sa adminstrasyon ni Mayor Oscar Moreno, nga adunay kadak-on nga 46,000 square meter.
Sa maong kadako, itukod ang 40 ka tig duha ka storey building nga adunay tig 24 ka mga unit, ug adunay floor area nga mukabat sa 24 square meter matag unit.
Gilauman mukabat sa 960 ka mga Informal Settler Family ang nakapahimulos niini, kinsa magbayad lamang og 1,500 pesos matag bulan.
Alang kay Sen. Cynthia Villar, nga dakong problema ang kapuy-an sa nasud, kung asa sa kinatibuk-an mikabat na sa 5.7 million ang backlog sa mga panimalay.
Katimbang sa local nga kagamhanan ang Housing and Land Use Regulatory Board, Social Housing Finance Corporation, Communities Cagayan Inc., Communities Isabela Inc., Communities Negros Inc., Communities Palawan Inc., Crown, Asia Properties Inc., Britanny Corporation, Household Development Corporation, ug Bria Homes Inc.
