Kalibo, Aklan — Nalisdan pa sa gihapon ro mga taga Department of Environment and Natural Resources (DENR) sa pagtumod ko tubo nga nagapaguwa it mabaho nga tubi sa front beach kung isla it Boracay.
Suno kay CENRO Boracay Atty. Richard Fabila nga sa makaron hay naga gamit eon sanda it Ground Penetrating Radar (GPR) sa beach front pero nalisdan sa gihapon sanda ag sangka hangkat man kanda kung paano ma identify ro mismong ginahalinan it maitom ag mabaho nga tubi.
Dugang pa nana nga ro nasambit nga radar hay kaya nga makita hasta 30 metros sa idaeom it eogta pero maabo nga obstruction kapareho it mga drainage system.
Nagpasaeamat man si Atty. Fabila sa mga residente bangud pila kara kanda hay ginturo ro ginahalinan it tubo nga nagapaguwa it mahigko nga tubi.
Sa makaron hay nagapadayon pa rong pag usoy it mga nasambit nga tubo sa beach front gamit ro nasambit nga aparato para mas mapadali rong pagbuoe kara.
