Koronadal City–Gipalagan ni Koronadal City Mayor Eliodo Ogena ang pamahayag nga gipagawas ni Glan Mayor Vivien Yap nga may local transmission na sa syudad sa Koronal.
Giklaro ni Ogena, nga iyahang girespeto ang pahayag sa Mayor sa Glan, Sarangani Province nga gidili ang taga-Koronadal nga magsulod sa ilang lungsod apan sa hisgutanang local transmission, negatibo pa niini ang Koronadal.
Gihingusgan ni Mayor Ogena nga nagnegatibo sa COVID-19 ang pamilya sa usa ka seaman nga una ng nagpositibo sa maong balatian niadtong nakalabayng mga semana. Dugang pa niya nga wala pay deklarasyon nga may local transmission sa COVID-19 sa syudad sa Koronadal sukwahi sa nahimong pahayag sa Mayor sa Glan.
Samtang sa kasamtangan , sumala sa Mayor nagpabiling hugot ang pagpatuman sa border control sa syudad aron malikayan ang pagkatag sa makamatay nga virus.
