BACOLOD CITY – Dayun naman ang pagbaligya sang mga palupok kag pyro-technics sini nga tuig apang kinahanglan nga mag-attend ang mga dealers, manufacturers kag retailers sang fire-works safety seminar.
Suno kay market cluster head – Executive Assistant to the Mayor – Ernie Pineda nga nag-tambong ang kapin sa 77 ka katapo sang Bacolod Vendors Firecrackers Association agud dayon ini sila nga makabaligya sa paskua kag bag-ong tuig.
Dugang pa ni Pineda nga nalipay naman ang iban nga manufacturers gikan sa probinsya particular ang mga taga-banwa sang Hinigaran bangud nga wala sang total ban sang mga palupok apang e-regulate lang ini kag ipa-siguro nga wala sila naga-manufacture ukon naga-ubra sang mga probihited fire-crackers.
Paathag pa ni Pineda nga ang designated selling area sang mga palupok sang nagligad nga tuig ang sa likod sang Pope John Paul Tower, apang liwat naman nga magahatag sang rekomendasyon ang Philippine National Police kag Bureau of Fire Protection kon sa diin ang ideal nga baligya-an sang mga palupok diri sa Bacolod./dyHB BACOLOD
