HIMAMAYLAN CITY – Nakapalagyo naman ang 54 anyos nga amay matapos ini ang ginsulod sang mga nagpakilala NPA las 8 kagab-i sa Barangay Caradio-an.
Sa imbestigasyon sang Himamaylan PNP, nakilala ang tag-iya sang balay kay Wilfredo Buenaflor sang Crossing Calasa.
Upod ang iya asawa nga Thelma kag mga kabataan ini sila ang ginsulod sang tatlo ka mga armado nga nagpakilala NPA.
Gilayon ini nga nagdalagan pasulod sa iya nga kwarto kag naglukso sa bintana kag nagpanago sa kampo para makalikaw sa mga armado.
Gintiro pa ini sya apang wala naigo rason nga pinangkuha sang mga armado ang ila mga alahas balor P70,000 kag cash nga P26,000 pesos.
Magluwas sa tatlo, may mga 60 pa gid ka mga armado suno sa Himamaylan PNP ang nagsulod sa balay kag nagpangukay.
Wala pa karon sang pahayag ang NPA kn bala ila tawo ang naghimo sang kremin.
