General Santos City–Hustisya kini karon ang singgit sa pamilya sa biktimang si Raymon Espinoza Senisa, 23, habal-habal driver, residenti sa Offring Vill., Barangay Calumpang, Gensan kansa gipusil sa wala mailhing suspek niadtong nakalabayng adlaw.
Sumala ni Jorlyn Husayan, ugangan sa biktima nga nakurat nalang sila dihang nakadungog ug buto sa pusil gawas sa ilang compound ug dilang ilang gisuta nagbuy-od na ang biktima kansa nakaangkon ug samad sa iyang tiyan nga bahin.
Paspas nila kining nidala sa ospital apan gideklara kining dead on arrival. Dugang pahayag ni Jorlyn nga dili makatarunganon ang gihimo sa suspek ngadto sa biktima nga yano ra gipusil patay nga walay kalaban-laban.
Nasayran nga ayha nahitabo ang pagpamusil nag inum matud pa ang iyang umagad sa balay sa iyang paryenti. Human niini niuli ang nasangpit sa ilang panimalay apan nigawas kini ug balik.
Pagsakay niini sa iyang motorsiklo, didto na kini gipusil sa wala mailhing suspek usa ka higayon igo sa iyang tyan nga nahimong hinungdan sa iyang kamatayon.
Sa kaorn gitugyan na lamang sa pamilya ngadto a kapulisana ng pag imbistiga sa kaso ug sila nanghinaot nga mahatagan ug hustisya ang nahitabo sa biktima.
