Pamilya sang nagpositibo sa Barangay Dayao, gin-quarantine na sang barangay antes pa man nagguha ang resulta sang RT-PCR test

Roxas City, Capiz- Ginkumpirmar ni Punong Barangay Emely Ariza sang Daya, Roxas City nga ila na nga gin-paidalom sa strict home quarantine ang magpamilya nga naka-close contact sang taga- Barangay Cagay nga nagpositibo sa COVID-19.
Ini antes pa nagguha ang resulta sang nagligad nga adlaw nga nagasiling nga positibo sa coronavirus disease ang isa sa mga pamilya sang mga ini nga na-expose sa Burgos Talipapa.
Suno kay Ariza, ginkuha na sang personnel sang CDRRMO ang nag-positibo kag ginbutang sa isolation facility sa Hortus Botanicus sa Barangay Milibili, Roxas City.
Samtang ang mga nabilin nga membro sang pamilya ang hugot naman nga ginamonitor sang mga katapo sang Barangay Health Emergency Response Team sang Dayao, Roxas City.