Davao City – Daghang stress ang gihatud niining COVID-19 karong panahona tungod kay ang katawhan wala kaayo makapangandam.
Sumala ni Jeanette Ampog, TALIKALA INC. Executive Director, ang maong balatian nakahatag ug epekto sa emotion, financial, ekonomiya, panghuna-huna ug uban pang mga problema dili lang sa kabataan apan lakip usab sa mga hamtong nga basin unya og mopadalong sa pagkaliso sa pangisip.
Matud ni Ampog nga aron dili mosangpot sa pagkaliso sa pangisip sa tawo karon kay naa naman kining maong balatian, gikinahanglan dinhi ang padayong pagpasabot o seminar sa katawhan sa mga angayang buhaton aron makalikay niini.
Samtang giklaro usab ni Ampog nga ilawom sa gipatumang Enhanced Community Quarantine (ECQ), kahigayonan kini aron magka-istoryahanay ang mga sakop sa pamilya, ilabi na sa kabataan diin gikinahanglang ipasabot gayud kanila ang kabahin sa COVID-19 ug pasabton sila sa bisan unsang gihimo karon batok sa maong balatian.
RadyoMaN Bernard Pantallon
