Pasangil sa usa ka lolo nga miuban sa laing laki ang iyang asawa, dili tinuod

16

Dili matud pa tinuod ang pasangil ni Lolo Felicisimo Arado nga taga-Lumbia ning syudad, batok sa iyang milayas nga asawang si Ramonita Bartolo Arado.

Kini ang gipahayag sa anak sa magtiayon nga si Alyn Arado Mabaylan, 40 anyos nga nagpuyo sa samang dapit.

Gibutyag ni Alyn dihang nahinabi ni Radyoman Jao Gumapac kagahapong adlawa sa Brgy. Lumbia, nga wala miuban sa laing lalaki ang ilang inahan kon dili mibiya kini tungod kay wala na makaagwanta sa iyang amahan.

Dugang pa sa anak, nga gusto sa ilang amahan nga kanunay gamiton ang ilang inahan bisan tigulang na kini ug dili na makaya pa sa lawas niini.

Samtang…….

Aduna matud pay i-abay nga sundang sa ulohan sa ilang amahan isip panghinadlok sa ilang inahan, aron lamang kini mosugot.

Gumikan sa ilang sitwasyon, milayas ang ilang inahan aron dili na kini mahilabtan pa sa ilang amahan kinsa kaniadto pang nanglabayng mga panahon ang ngil-ad na og taras ngadto sa ilang inahan.

Mahinumdoman, nga nagpakitabang pa sa RMN-DXCC si Lolo Felicisimo aron papaulion ang iyang milayas nga asawa kay gimingaw na matud pa kini.

Apan diay ang tinuod nga busa milayas si Lola tungod kay buot kining kanunay gamiton ni lolo, kinsa gibatikos sa iyang anak nga si Alyn tungod kay nagpakaulaw lamang kanila.

Facebook Comments