Sa interview sa RMN Malaybalay ngadto kang PMAJ. Noel F. Cano, Chief sa Quezon PNP, gitaho niini nga ang maong area boundary na sa Valencia City ug lungsod sa Quezon maong dako ang posibilidad nga taga Valencia ang maong lalaki.
Dugang pa niya nga sa pakigkoordinar nila sa Valencia PNP, wala pa kunoy pamilya sa dakbayan nga gikatahong nawad-an og kabanay maong padayon gihapon ang imbestigasyon sa kapulisan.
Dugang pa ni Maj. Cano nga wala usay laing ilhanan sa pagkulata o pagtorture sa biktima gawas nalang sa pinusilan sa likod nga bahin sa ulo niini.
Matud ni Cano nga posible nga gitagak ra ang maong patayng lawas sa maong area tungod kay wala usab kunoy boto nga nadunggan ang mga tawo dool sa lugar kung asa kini napalgan.
Padayon karon ang panawagan sa kapulisan sa Quezon, sa kung kinsa man ang nawad-an sa kabanay, mamahimo lang nga makigkoordinar sa kapulisan sa maong lungsod.
