Pasado alas 6 kagabie sa dihang gipangbakwit ang mga pamilya tungod sa posibleng pagtaas sa lebel sa tubig baha ug temporaryong gipahimutang sa San Jose Elementary School.
Gipanguhan sa City Disaster Risk Reduciton and Management Office (CDRRMO) inabagan sa Barangay San Jose, Malaybalay City ang pagpangbakwit sa mga residente diin giaporan na sa mga relief goods ang matag pamilya nga ang kinsa mga gamit pangkatulog lang ang kasagarang nadala ug mga sapot sa kalawasan.
Apektado sa tropical depression “Agaton” ug ang pasuloray sa Philippine Area of Responsibility (PAR) nga tropical depression “Malakas”, ang Bukidnon maong padayon nga makasinati sa madag-umon nga kalangitan inubanan sa katag-katag nga pag-ulan, kilat ug pagpanalugdog.
Muhulat nalang sa abiso sa CDRRMO-Malaybalay ang mga residente aron nga makabalik sa ilang puluy-anan.
