Sa interbyu sa DXDC RMN Davao kang Commodore Agapito Bibat, Coast Guard District Southeastern Mindanao Commander gibutyag niya, gikan December 15, 2022 hangtod na sa Enero 7, 2023 naka- heightened alert na ang tanang istasyon ug substation aron mo-asister sa tanang mudagsa nga pasahero karong Yuletide season.
Sumala ni Bibat, 24/7 ang pagpatrolya sa Coast Guard sa kadagatan lakip na sa mga beach resorts aron malikayan ang maritime incident.
Giintensify usab ang pag-inspeksyon sa mga sea vessels ug motor bancas kung luwas ug nasunod usab ang safety and security protocol.
Nagmonitor usab ang mga personahe sa Coast Guard sa mga drayber sa mga pantalan kung nakainom ba kini aron malikayan ang mga disgrasya, samtang ang K9 Teams nag-inspeksyon sa mga bagahe aron masigurong walay makalusot nga armas, eksplosibo ug mga droga.
RadyoMaN Aimee Guinita
