Davao City – Nagbahad karon ang Philippine Drug Enforcement Agency (PDEA-XI) batok sa nagapakalat og iligal nga droga sama sa ‘party drugs’ kun ecstasy sulod sa dakbayan sa Davao.
Sumala ni PDEA XI Regional Director Antonio Rivera, nag-case build up na ang ilang buhatan bahin niini diin nasayod na sila sa gipuy-an ug sa tibuok identity niini kinsa karong tuig lamang nisulay og payuhot sa iligal nga droga sa syudad.
“Do not attempt again to enter Davao City or even Region 11 because if you will continue distributing illegal drugs here you might consider PDEA as your worst nightmare,” bahad niini.
Segun ni Rivera nga puntarya sa maong suspek ang mga estudyante diin anaa sa P2,500-P3,000 ang presyo sa matag droga.
“Naa tay ginatawag nga liquid ecstasy nga ginasagulan og viagra (nga ginatawag og fly-high drugs) diin ginabutang sa drinks tapos pag-inum na sa babaye she feels agitated meaning init iyang lawas tapos may tendency na mawala sa panimuot ug wala siya kabalo kung unsay nahitabo sa ilaha,” gitataw niini.
Pahimangno sa Regional Director nga magmaigmaton gumikan usa kini sa delikado nga klase sa droga ilabi na sa mga kababayen-an tungod posibleng mabiktima kini sa ‘chemical romance’ kun ‘chemrom’.
Gani nagdeploy ang ilang buhatan og PDEA agents kinsa maglibot-libot sa mga event place aron sigurohon nga malikayan ang pagpangbiktima ingon man transaksyon sa mga iligal nga droga ilabi na sa pagsaulog sa Kadayawan Festival 2018.
RadyoMaN Jason Amisola
