Gikumpirmar ni Philippine Institute of Volcanology kon Phivolcs Region 10 Director Marcial Labininay, nga bisan kung didto sa Cotabato ang kusog nga linog apan ila gihapon kining mamonitor.
Gipahayag ni Labininay, nga bisan gani kung tua pa sa gawas sa nasud ila gihapon kining mamonitor.
Dugang pa niini, nga sa tala sa Phivolcs mga alas-4:00 sa buntag kagahapong adlawa aduna na silay natalang 1,128 ka recorded earthquake.
Nasayran nga sa maong ihap, 52 niini ang nabati sa katawhan ilabina ang mga area nga duol sa epicenter sama sa North Cotabato, Tulunan ug Kidapawan.
Padayon sa gihapong gakabati ang mga aftershocks hangtud ning panahona.
Gibutyag pa ni Director Labininay, nga tungod niini iya usab klaruhong walay gipagawas nga impormasyon sa social media ang Phivolcs, nga adunay moabot nga big one ug tsunami tungod kay wala silay prediction sa linog.
Dugang pa niini, nga dili sila gahatag og impormasyon sa mga social media busa dili angayang magtuo-tuo ang katawhan.
Kung aduna may mga pangutana kalabot sa linog, kinahanglang itawag kini kanila aron kini mapasabot sa publiko.
