Kalibo, Aklan – Nagpaandam makaron rong Provincial Health Office (PHO) Aklan sa posibleng pagtuhaw it masakit nga tipdas makaron nga taig ilinit.
Suno kay Dr. Cornelio “Bong” Cuachon, Provincial Health Officer I nga rayang tipdas hay nagapangunang dahilan ko mga namamatay nga unga apisar nga available ro bakuna nga ginato sa mga unga. Raya hay sanga vaccine preventable disease nag kunta hay uwa eon nagamasakit it tipdas ag uwa eon it mga namamatay bangud nga iya sa Pilipinas hay gina eliminate man nanda ro mga pwedeng magmasakit it tipdas.
Dugang pa gid ni Dr. Cuachon hay naga infect sa atong respiratory track ag naga kalhit man sa bilog natong eawas.
Ro mga sinyales it masakit nga tipdas hay unang una mataas rong eagnat nga naga umpisa 10-12 days after nga ma expose rong tawo sa virus.
After ikaw ma expose sa vires hay uwa pa man eagi naga manifest ro sinyales ag sintomas kundi mga pilang adlaw pat-a kaibahan ro eagnat nga nagabuhay it 4 days, gina sip-on, gina ubo ag naga eoha-eoha ro mata kung sa siin raya ginatawag nga 3 Cs..cough, coryza, colds,conjunctivitis ag kon amat may mga maputi nga spot sa sueod it baba.
May magguwa man nga rashes nga usually makita sa uyahon ag eawas nga naga buhay it 4-6 days.
Ro masakait nga tipdas hay makataeapon ag nakakatapon pinaagi sa pag-ubo, pagbahaon ag respiratory droplets rason nga kinahangean gid naton permi magpalibanaw ag magtapos it baba kon naga bahaon para nga indi magkalat ro virus.
